इलामकी मनिषा र रमेश ब्राउन सुगर सहित प्रहरी फन्दामा
इलाम । इलामकी २२ बर्षीया मनिषा राईलाई ब्राउनसुगर ७ ग्राम ६० मिलिग्राम, नेपाली नगद १६ हजार ३६५, भारतीय नगद ३ हजार ९६० रुपैया र बिभिन्न कम्पनीको मोबाईल ४ थान सहित प्रहरीले पक्राउ गरेको छ ।
बिर्तामोड नगरपालिका ३ पन्चकन्याटोल स्थित एक घरबाट उनी सहित थप एक जनालाई विर्तामोड प्रहरीले पक्राउ गरेको डिएसपी प्रकाश विष्टले जानकारी दिए ।
यसैगरि सन्दकपुर गाउँपालिकाका ३ का २९ बर्षिय रमेश मगरलाई बिर्तामोड नगरपालिका ६ देउनिया खोला छेउ बाँसघारीबाट अवैध लागूऔषध ब्राउनसुगर जस्तो देखिने पदार्थ ६ सय ३० मिलिग्रामसहित प्रहरीले पक्राउ गरेको हो ।
प्रहरी चौकी बुट्टाबारीबाट खटिएको प्रहरीले उनीसहित थप एकजनालाई उक्त पदार्थसहित पक्राउ गरेको डिएसपी प्रकाश विष्टले जानकारी दिए ।-स्रोत : इलाम ग्रीन
