उदयपुरका सायल राईलाई बचाउन आर्थिक सहयोगको याचना
बेलका,असोज १०। उदयपुरको बेलका नगरपालिका–६ का १४ वर्षीय बालक सायल राईलाई बचाउन आर्थिक सहयोगको याचना गरिएको छ ।
जापानीज (इन्सेप्लाईटिस) रोग तथा मतिष्क टिबीका कारण गत भदौदेखि विराटनगरमा उपचाररत विरामी बालकलाई थप उपचारको लागि उनको बुवा दिनेश राईले आर्थिक सहयोगको याचना गरेका हुन् ।
महिनौदेखि विराटनगर स्थित विराट टिचिङ हस्पिटलको भेन्टिलेटरमा उपचाररत साहेलको आर्थिक अवस्था नाजुक भएको कारण सबैसँग आर्थिक सहायताको लागि अपिल गरिएको हो ।
स्थानीय कटुञ्जे बबलाका दिनेश र निर्मला राईको साहेल एकलो छोरो हुन् भने उनी बेलका–५ जहडा स्थित बेलका वोर्डिङ स्कुल कक्षा ६ मा अध्ययनरत विद्यार्थी हुन् ।
सहयोग गर्न इच्छुक महानुभावहरुले बिरामीका ठूलोबुवा राजकुमार राईको कुमारी बैंकमा रहेको खाता नं. २०८०३०६५६५१००००१ मा सहयोग रकम जम्मा गर्न सकिने छ भने ९८६१७१६१८३ या स्थानीय समाजसेवी आकाश राईलाई ९८४०३४९२०३ मा पनि सम्पर्क गरेर सहयोग गर्न सकिने बिरामीका परिवारले जनाएको छ ।
