विराटनगरबाट ३० किलो लागुऔषध गाँजा सहित सिटीसफारी नियन्त्रणमा
विराटनगर,२८ असोज । विराटनगरबाट ३० किलो लागुऔषध गाँजा सहित सिटीसफारीलाई नियन्त्रणमा लिइएको छ ।
मोरङको विराटनगर महानगरपालिका वडा नं. १८ वडा कार्यालय नजिकमा ICP सडक खण्डबाट फडानीतर्फ जादै गरेको प्र.१-०२-००४ ह ८२७० नं को सिटिसफारी इलाका प्रहरी कार्यालय बुधनगरबाट चेकिङमा खटिएको प्रहरी टोलीलाई देख्ना साथ सिटिसफारी छाडी चालक फरार रहेकोमा उक्त सिटिसफारी चेकजाँच गर्दा सिटी भित्र लुकाई छिपाई ल्याएको प्रतिबन्धित लागू औषध गाँजा ३० के.जी. फेलापारी सिटिसफारी सहित नियन्त्रणमा लिइएको हो ।
बरामद गांजा र सवारी इलाका प्रहरी कार्यालय रानीमा ल्याई आवश्यक अनुसन्धान कार्य भइरहेको र चालकको खोजी कार्य जारी रहेको प्रहरीले जनाएको छ ।
