गाईघाटमा आज बिहान सातवटा सवारीसाधन एकआपसमा ठोक्किदा दुर्घटना
चितवन । नारायणगढ–मुग्लिन सडकखण्डअन्तर्गत भरतपुर महानगरपालिका–२९ गाईघाटमा आज बिहान सातवटा सवारीसाधन एकआपसमा ठोक्किदा दुर्घटना भएको छ।
सडकखण्डमा बिहान करिब ७ः१५ बजे सवारीसाधनहरू एकआपसमा ठोक्किँदा सडक केही समयका लागि अवरुद्ध भएको थियो।
घटनास्थलमा प्रहरी टोली पुगेको र उद्धार तथा यातायात व्यवस्थापनको काम भइरहेको इलाका प्रहरी कार्यालय बेल्टारीले जनाएको छ।
दुर्घटनाका कारण भएको मानवीय क्षति तथा क्षतिको विस्तृत विवरण भने आउन बाँकी रहेको प्रहरीले जनाएको छ।
