गोजीमा राखेको २ हजार निकालेको भन्दै श्रीमानले श्रीमतीलाई खुकुरीले हाने
रामेछाप, जेठ २१ । रामेछापमा श्रीमानको गोजीमा राखेको दुई हजार रुपैयाँ श्रीमतीले निकालेको भन्दै श्रीमानले श्रीमतीलाई खुकुरीले हानेका छन् । मन्थली नगरपालिका–१ रेडक्रस भवनमा मासु व्यवसाय गर्दै आएका ५५ वर्षका थरहरि घिमिरेले ५२ वर्षिया श्रीमती राधाकुमारी घिमिरेलाई टाउकोमा खुकुरीले हानेका हुन् ।
घाइते राधाको मन्थली स्थित रामेछाप सामुदायिक अस्पतालमा उपचार भइरहेको छ । खुकुरीले हान्ने श्रीमान थरहरि घिमिरेलाई पक्राउ गरी अनुसन्धान अघि बढाएको रमेछापका प्रहरी नायव उपरीक्षक कुमोध ढुगेलले जानकारी दिनुभयो ।
समयदेखि मासु व्यवसाय सञ्चालन गर्दै आएका घिमिरेले श्रीमतीलाई पटक–पटक विभिन्न वहानामा कुटपिट गर्दै आएका थिए । श्रीमती राधा यसबारे भन्नुहुन्छ ‘सधै रक्सी खाएर कुट्ने श्रीमानले यसपटक भने खसी काट्ने खुकुरी नै हाने ।’
