विजयकुमार गच्छदारले भने,- राजपा आउने ग्यारेन्टी भए ११ जिल्लामा चुनावको मिति सार्न सकिन्छ
विराटनगर, जेठ ३१ । उपप्रधान एवं संघीय मामिला तथा स्थानीय विकासमन्त्री विजयकुमार गच्छदारले निर्वाचनलाई सार्थक बनाउनका लागि तेस्रो चरणमा पनि जान सकिने बताएका छन् ।
बुधबार विराटनगरमा सन्चारकर्मीसँग कुरा गर्दै उनले राष्ट्रिय जनता पार्टी (राजपा) नेपाल निर्वाचनमा आउने ग्यारेन्टी भए तराईका ११ जिल्लामा निर्वाचनको मिति सार्न सकिने बताए ।
जबर्जस्ती निर्वाचन गराउने पक्षमा आफू नरहेको भन्दै उनले राजपालाई पनि चुनावमा सहभागी गराउनुपर्नेमा जोड दिए ।
