तेह्रथुममा ४ करोड बढी लगानीमा ७ वटा खानेपानी योजना निमार्ण सुरु
धनकुटा खबर / तेह्रथुम । ७ करोड बढी लगानीमा जिल्लाको बिभीन्न भागमा एकैसाथ ७ वटा खानेपानी योजना निमार्ण कार्य सुरु भएको छ ।
विभिन्न छ गाउँका ७ सय ४६ घरधुरी लाभान्वित हुनेगरी सातवटा खानेपानी योजनाको निर्माण शुरु भएको हो । ग्रामीण खानेपानी तथा सरसफाइ कोष विकास समिति फण्ड बोर्डको आर्थिक सहयोग तथा देउराली सोसाइटीको सहजीकरणमा आगामी १० महिनाभित्र निर्माण सम्पन्न गर्ने गरी खानेपानी योजनाहरुको निर्माण शुरु भएको हो ।
सातवटै योजना सम्पन्न गर्नका लागि कुल ४ करोड १ लाख ४ हजार ४ सय ९६ रुपैया खर्च हुने सोसाइटीका खानेपानी तथा सरसफाइ अधिकृत जितलाल लिम्बूले बताउनुभयो । जसमध्ये फण्ड बोर्डको एक करोड ६४ लाख ३७ हजार ७४१, स्थानीयवासीद्वारा संकलित नगद रु ४० लाख ६ हजार २७६ र एक करोड ९६ लाख ६० हजार ४७८ रुपैया बराबरको श्रमदान रहेको छ । ती आयोजना निर्माण भएपछि ७ सय ४६ घरधुरीका तीन हजार ८ सय २ जनाले पाइप प्रणालीको शुद्ध खानेपानी उपभोग गर्न पाउने भएका छन् ।
जिल्लाका सुक्खाग्रस्त क्षेत्रकोखानेपानी समस्या सुल्झाउन फण्ड बोर्डको सहयोगमा खानेपानी तथा सरसफाइ कार्यक्रम अन्तर्गत खानेपानी योजना निर्माण थालिएको सोसाइटीका निर्देशक कपिलदेव सिंगकले बताउनुभयो । सुक्खाग्रस्त फेदाप गाउँपालिका–१ सिम्लेमा सापकोटा र साक्चुवा खानेपानी योजनाहरु निर्माण हुने भएका छन् । यस्तै हमरजुङमा देउराली खानेपानी योजना, सक्रान्तिमा सोदन खानेपानी योजना, सुदापमा आहालडाँडा खानेपानी योजना, इसिवुमा रिठ्ठे खानेपानी तथा जलजलेमा चापाबोटे खानेपानी योजनाको निर्माणको काम भइरहेको छ ।
जिल्लामा यसअघि पनि खानेपानी तथा सरसफाइ कोष विकास समितिको सहयोगमा करिब एकदर्जन खानेपानी योजना निर्माण भएका थिए । खानेपानी योजना सञ्चालन भएकोक्षेत्रमा सरसफाइ कार्यक्रमसमेत सञ्चाल गरिएको छ । ती गाउँलाई पूर्णसरसफाइयुक्त गाउँ बनाउन अभियानकै रुपमा कार्यक्रम सञ्चालन भइरहेको छ ।
