पाँच जनालाई सदस्य बनाए जागिर पाइने भन्दै ठगी, एक नाइके पक्राउ
राजधानीमा नयाँ शैलीको नेटवर्किङ ठगी
काठमाडौं, २१ असोज । काठमाडौंमा नयाँ शैलीको नेटवर्क ठगी देखिएको छ । आकर्षक जागिरको नाममा ठगी गर्ने नयाँ शैली देखा परेको प्रहरीले जनाएको छ ।
ड्रिम डभेलपर्स ट्रेडमार्ट प्रालिको नाममा ठगी गर्ने लोक बहादुर मगरलाई प्रहरीले पक्राउ गरेको छ । महानगरीय अपराध महाशाखाले उनलाई शुक्रबार पक्राउ गरेको हो ।
मगरले दिनेश कोइराला लगायतका व्यक्तिलाई भारतमा पु¥याई तालिम दिइ एक लाखको तलब हुने जागिर दिने भन्दे ठगी गरेका थिए । २० जनाबाट १६ लाख ४० हजार ठगी गरेका थिए ।
पाँच जनालाई कम्पनीमा सदस्य बनाए जागिर पाइने भन्दै उनीहरुले ठगी गरेका थिए । कम्पनीका डाइरेक्टर काजी गुरुङ भएको र उनी फरार रहेको प्रहरीले जनाएको छ । गिरोहका अन्य व्यक्तिहरुको खोजी भइरहेको प्रहरीले जनाएको छ ।
