ओली र दाहालबीचको ३ घण्टे ‘वान–टु–वान’ वार्ता सकारात्मक !
काठमाडौं, २९ फागुन । एमाले अध्यक्ष केपी शर्मा ओली र माओवादी केन्द्रका अध्यक्ष प्रचण्डबीचको सोमबार भएको ‘वान–टु–वान’ वार्ता सकारात्मक भएको छ ।
ललितपुर, मानभवनस्थित एक घरमा भएको वार्ता तीन घण्टासम्म चलेको थियो । वार्ता राजनीतिक परिस्थिति र पार्टी एकतामा केन्द्रित भएको थियो । वार्तामा माओवादी केन्द्रका प्रचण्डले केही दिन अघि चितवनमा ‘आवश्यक परे नयाँ फड्को मार्ने’ भन्दै दिएको अभिव्यक्तिका बारेमा छलफल भएको थियो ।
श्रोतका अनुसार, प्रचण्डले आफ्नो अभिव्यक्तिलाई पार्टी एकता बिरोधीका रुपमा अथ्र्याइएको भन्दै आफूले भने पार्टी एकताका लागि नयाँ फड्को भन्न खोजेको बताएका थिए । दुबै नेताबीच पार्टी एकताका बैचारिक र सांगठनिक पक्षबारेको वार्ता सकारात्मक भएको बुझिएको छ ।
