प्रधानमन्त्री ओली जन्मिएको घर, कहा र कुन ठाऊ ? हेर्नुस यस्तो छ घर…
तेह्रथुम । एमालेका अध्यक्ष केपी शर्मा ओली प्रधानमन्त्री भएपछि उहाँको जन्मथलो तेह्रथुमका स्थानीयले खुसीयाली मनाएका छन । एमाले संसदीय दलको नेताको रुपमा बिहीबार एमाले र माओवादी केन्द्रको समर्थनमा ओली प्रधानमन्त्री बन्नुभएको हो ।
ओली प्रधानमन्त्री भएपछि उहाँको जन्मथलो तेह्रथुममा ओलीको कार्यकाल सफलताको कामना सहित दीप प्रज्वलन गरिएको हो ।
ओलीको जन्मथलो आठराईसहित म्याङलुङ्ग, लालीगुराँस, छथरसहित तेह्रथुममा बिहीबार साँझ ओलीका शुभेच्छुकले दीप प्रज्वलन गरेका हुन् ।
तेह्रथुमको आठराई गाउँपालिका–४, साविक इवा गाविस वडा नम्बर २ तिनसल्लेमा जन्मनुभएका ओलीको जन्मघर र जग्गा अहिले पनि रहेको छ । तेह्रथुममा जन्मेर झापा झर्नुभएका ओलीले त्यो घरमा बाल्यकाल जीवन बिताउनुभएको थियो । बिक्री भएको ओलीको त्यो जन्मघर उहाँ पहिलो पटक प्रधानमन्त्री भएपछि पुनः आफैले लिनुभएको थियो । ओली नेपालको दोस्रो पटक प्रधानमन्त्री भैसक्नुभयो तर उहाँलाई हुर्काएको घर भने जस्ताको त्यस्तै रहेको छ ।
तह्रथुममा जन्मिएर कर्मथलो झापा बनाउनुभएका ओलीबाट तेह्रथुमबासीले निकै आशा गरेको भएपनि ओलीले आफ्नो जन्मथलो तेह्रथुमलाई वास्ता नगरेको स्थानीयको गुनासो रहेको छ । उज्यालो अनलाईन बाट
