प्रधानमन्त्री ओलीलाई बधाई दिँदै अमेरिकी राष्ट्रपति ट्रम्पले यसो भने
काठमाडौँ, ११ फागुन । अमेरिकी राष्ट्रपति डोनाल्ड ट्रम्पले नेपालका नव नियुक्त प्रधानमन्त्री केपी शर्मा ओलीलाई शुभकामना सन्देश पठाएका छन् ।
ट्रम्पले ओलीलाई नेपालको प्रधानमन्त्री भएकोमा बधाई दिएको परराष्ट्र मन्त्रालयले जनाएको छ ।
अमेरिकास्थित नेपाली राजदूतावासमार्फत शुक्रबार नेपाली समय अनुसार दिउँसो ट्रम्पले सो सन्देश पठाएका हुन् ।
सन्देशमा नेपालको दिगो विकास र स्थायी सरकारका लागि शुभकामना दिनुका साथै आफू दुई देशबीचको साझेदारी बढाउन र स्थायीत्व, सुशासन र दिगो आर्थिक विकासमा सहयोग गर्न तयार रहेको बताएका छन् ।
दुई देशबीचको दुईपक्षीय सम्बन्ध थप प्रगाढ हुँदै जानेमा आफूले विश्वास लिएको ट्रम्पले सन्देशमा उल्लेख गरेका छन् ।
