विद्यार्थीको रुचिअनुसार शिक्षालाई वर्गीकरण गर्नुपर्छ
चितवन, २० माघ । राष्ट्रिय सभाका अध्यक्ष गणेशप्रसाद तिमिल्सिनाले शिक्षामा विविधिकरणको आवश्यकता रहेको औंल्याउँदै विद्यार्थीको रुचिअनुसार शिक्षालाई वर्गीकरण गर्नु आवश्यक रहेको बताउनु भएको छ ।
भरतपुर महानगरपालिका ६ पारसनगरमा रहेको शहीद स्मृति माध्यामिक विद्यालयले सोमबार आयोजना स्वर्ण महोत्सवको समापन समारोहमा उहाँले शिक्षकले तलब मात्रै खाने नभइ गुणस्तरमा ध्यान दिन आवश्यक रहेको औँल्याउनु भयो ।
अहिलेको शिक्षा बेरोजगार उत्पादन गर्ने शिक्षाको रुपमा रहेको बताउँदै उहाँले अबको शिक्षाले उत्पादित जनशक्ति कति खपत हुन्छ भन्ने विषयमा समीक्षा गर्न जरुरी रहेको बताउनुभयो ।
निजी क्षेत्रले शिक्षामा दिएको योगदानभन्दा राज्यको योगदान ठूलो भए पनि राज्यबाट सञ्चालित विद्यालयले प्रतिफल दिन नसकेको प्रस्ट पार्नुभयो ।
