रवि लामिछानेको ‘द लिडर शो’ को निर्णायकमा थपिए कांग्रेस र नेकपाका यी नेताहरु
काठमाडौं । रवि लामिछानेले सञ्चालन गर्ने ‘द लिडर शो’ निर्णायकमा नेपाली कांग्रेसको नेता र सांसद प्रदिप गिरी र नेकपाका नेता प्रदिप नेपाललाई थपिएको छ । पाँच जना निर्यायक रहने उक्त शोको निर्णायकमा थप कांग्रेस र नेकपाका नेताहरु थप्न लागिएको हो ।
यसअघि नै पूर्व प्रधानमन्त्री डा. बाबुराम भट्टराई, पूर्व प्रधानन्यायाधिस सुशीला कार्की र साझा पार्टीका संयोजक रवीन्द्र मिश्रको नाम निर्णायकमा तय भइसकेको छ । सो कार्यक्रम रियाली शोको फम्र्याटमा रहने बताइएको छ । विभिन्न अडिसन र तह पार गर्दै विजेता घोषणा गरिने बताइएको छ ।
यस अघि निर्णायकमा पूर्व प्रहरी डीआइजी रमेश खरेल र अधिकारवादी मोहना अन्सारीलाई थप्ने तयारी भएको चर्चा समेत चलेको थियो । ‘द लिडर’ को फेसबुक पेजबाट आज थप दुई निर्णायकको घोषणा गरिएको हो ।
अब चाडै नै अडिसनमा जाने तयारी रहेको कार्यक्रमका निर्माताहरुले जनाएका छन् । विजेतालाई एउटा गाडी, अमार्टमेन्ट र २० लाख नगद पुरस्कार दिइने पनि जानकारी दिइएको छ ।
