नयाँ वर्षदेखि काठमाडौँमा रा त्रिकालीन यातायात गुडने
काठमाडाैं,माघ २९ । काठमाडौँ उपत्यकामा रात्रिकालीन यातायात चलाउने तयारी गरिएको छ।
काठमाडौँ महानगरपालिकाले सार्वजनिक यातायातलाई थप प्रभावकारी बनाउन रातको समयमा पनि सार्वजनिक यातायात सञ्चालन गर्न लागेको हो ।
मेयर विद्यासुन्दर शाक्यले आगामी वैशाखदेखि रात्रिकालीन सार्वजनिक यातायात सञ्चालन गरिने बुधबार आयोजित कार्यक्रममा जानकारी दिएका हुन्।
उनले नयाँ वर्षको शुरुआतसँगै पहिलो चरणमा बेलुका ८ बजेदेखि ११ बजेसम्म सेवा शुरु गर्ने गरी कार्यदल नै गठन गरेर अघि बढ्ने प्रतिबद्धता व्यक्त गरे। २०६९ भदौ १ गतेदेखि रात्रिकालीन सार्वजनिक यातायात सञ्चालनमा आए पनि करीब १८ महिनापछि सेवा बन्द भएको थियो ।
बैठकमा पहिलो चरणमा रत्नपार्कलाई केन्द्रित गरेर छिमेकी नगरपालिकाहरु तथा ललितपुर र भक्तपुरमा समेत सेवा पु-याउने गरी १५ वटा रुट बनाएर सेवा दिने निर्णय गरेको छ। शुरुमा कम्तीमा पनि ६० वटा बस दैनिक सञ्चालन गर्न सकिने जनाइएको छ ।
