एमसीसी बारे झलनाथले गराए ओली र दाहालको मुख बन्द
काठमाडौं, १ फागुन । अमेरिकी सहयोग एमसीसी सहयोगको सम्बन्धमा अध्ययन तथा अनुशन्धान गर्नको लागि नेकपाले गठन गरेको कार्यदलका संयोजक झलनाथ खनालले पार्टी अध्यक्षद्धय केपी शर्मा ओली र पुष्पकमल दाहाललाई एमसीसी सम्बन्धमा सार्वजनिक रुपमा टिप्पणी नगर्न आग्रह गरेका छन् । कार्यदलले थप दश दिनको समय पाएको छ । यसअघि पाएको दश दिनको समय हिजै सम्पन्न भएको थियो ।
कार्यदलले अबको दश दिनभित्र सबै अध्ययन तथा अनुशन्धान गर्ने खनालको भनाई छ । उनले भने,‘हामीले अध्ययन तथा अनुशन्धान सुरु गरिसकको छौं । अब हामीले थप दश दिन समय पाएका छौं ।
दश दिनपछि हामी एमसीसीको प्रतिवेदन पार्टीलाई बुझाउँछौं ।’ उनले प्रतिवेदन बाहिर नआएसम्म कसैले पनि यसबारेमा सार्वजनिक रुपमा बोल्न नपाउने आचारसंहिता बनाएको पनि उनले सनुाए ।
उनले भने,‘परराष्ट्रमन्त्री प्रदीप ज्ञवाली, भीम रावलजी र म कसैले पनि बोल्न पाउँदैनौं । हामी मात्रै होईन, पार्टी अध्यक्षद्धय ओली र प्रचण्डजीले पनि बोल्न पाउनुहुँदैन । अहिले तपाईहरु नबोल्नुहोस् ।’
