भारतीय राजदूतले राष्ट्रपति समक्ष बुझाए ओहोदाको प्रमाणपत्र
काठमाडौं । भारतीय राजदूत विनयमोहन क्वात्राले राष्ट्रपति विद्यादेवी भण्डारी समक्ष ओहोदाको प्रमाणपत्र बुझाएका छन् । बिहीबार नेपालका लागि नवनियुक्त राजदूत क्वात्राले राष्ट्रपति भण्डारीसमक्ष आफ्नो ओहादाको प्रमाणपत्र प्रस्तुत गरेको परराष्ट्र मन्त्रालयले जनाएको छ ।
उनी नेपालको लागि २५ औं राजदूत हुन् । डिसेम्बर २०१९ मा पूर्वराजदूत मञ्जीव सिंह पुरीको कार्यकाल पुरा भएपछि क्वात्रा नयाँ राजदूतको रुपमा नियुक्त भएका हुन् । उनलाई प्रधानमन्त्री नरेन्द्र मोदीले नेपालका लागि राजदूत नियुक्त गरेका हुन् ।
