कोरोना सं,क्रमण रोक्न प्रदेश १ विभिन्न समिति गठन
विराटनगर । प्रदेश १ मा कोरोनाभाइरस रोगको रोकथाम, प्रतिरक्षा र उपचार व्यवस्थालाई थपप्रभावकारी बनाउन विभिन्न समितिहरू गठन भएका छन् । शनिबार मुख्यमन्त्री शेरधन राईको अध्यक्षतामा बसेको निर्देशन समितिको बैठकले मुख्यमन्त्रीको संयोजकत्वमा स्थानीयतह सम्पर्क, समन्वय, प्रचार प्रसार तथा जनचेतना समिति गठन भएको छ ।
आन्तरिक मामिला तथा कानुनमन्त्री हिक्मतकुमार कार्कीको संयोजकत्वमा क्वारेन्टाइन, परिबहन व्यवस्था तथा सुरक्षा व्यवस्थापन समिति गठन भएको छ । सामाजिक विकासमन्त्री जीवन घिमिरेको संयोजकत्वमा आइसोलेशन तथा विशिष्टिकृत अस्पताल एवम् प्रयोगशाला सञ्चालन तथा व्यवस्थापन समिति गठन भएको छ ।
उद्योग, पर्यटन, वन तथा वातावरणमन्त्री जगदिशप्रसाद कुसियैतको संयोजकत्वमा दैनिक उपभोग्य वस्तु आपूर्ति व्यवस्थापन समिति गठन भएको छ । गठन भएका समितिहरूमा सम्बन्धित निकायका प्रतिनिधि सदस्य रहेका छन् । बैठकले कोरोना विरु,द्धको अभियानमा खटेका सुरक्षाकर्मी, स्वास्थ्यकर्मी, तथा कर्मचारीहरुलाई अतिरिक्त सुविधाप्रदान गर्ने निर्णय गरेको छ ।
बैठकले प्रदेशसभाका सदस्यहरूलाई आफ्नो निर्वाचन क्षेत्रमा कोरोनाविरुद्धको अभियानको संयोजन र अनुगमनको काम गर्ने निर्णय गरेको छ । यसैबीच मुख्यमन्त्री शेरधन राईको अध्यक्षमा शनिबारै बसेको प्रदेश १ कोरोना जनसुरक्षा कोष, कोष सञ्चालक समितिको बैठकले प्रदेशका सुरक्षा समितिहरूलाई १ करोड ६८ लाख रकमउपलब्ध गराउने निर्णय समेत गरेको छ ।
कोष सञ्चालकक समितिको बैठकले नेपाली सेनालाई क्वारेन्टाइनको सम्पूर्ण व्यवस्थापनको जिम्मेवारी, प्रदेशभित्रका जिल्ला प्रशासन कार्यालयहरूलाई क्वारेन्टाइनसम्म र कोरोना अस्पतालसम्म पु¥याउने जिम्मेवारी तोकेको छ । त्यस्तै नेपाल र प्रहरी र सशस्त्र प्रहरी बललाई अस्पताल र क्वारेन्टाइन क्षेत्रको सुरक्षा गर्ने, संक्रमितहरूको सुरक्षा र लकडाउनलाई प्रभावकारी रूपमा कार्यान्वयन गराउने जिम्मेवारी तोकेको छ ।
