महन्थ ठाकुर र राजेन्द्र महतो देउवालाई भेट्न बुढानीलकण्ठमा, अविश्वासको प्रस्तावमा सघाउने
काठमाडौ । जनता समाजवादी पार्टी (जसपा)का अध्यक्ष महन्थ ठाकुर र वरिष्ठ नेता राजेन्द्र महतो नेपाली कांग्रेसका सभाभाति शेरबहादुर देउवालाई भेट्न देउवाको निवास बुढानीलकण्ठ पुगेका छन्।
देउवासँग विहान ९ बजे भेट्ने कार्यक्रम तय भएअनुसार ठाकुर र महतो बुढानीलकण्ठ पुगेको जसपाका एक नेताले बताए। अहिले देउवा, ठाकुर र महतोवीच भेटघाट जारी छ।
सत्ता समीकरणमा ठाकुर र महतो प्रधानमन्त्री केपी शर्मा ओली नजिक देखिए पनि आइतबार अचानक देउवासँग छलफल गर्न गएका हुन्। नेपाल समूहले नै ओलीलाई साथ नदिएपछि जसपाले पनि ओलीलाई विश्वासको मत नदिने भएको छ भने अविश्वासको मतको पक्षमा मत दिने भएको स्रोतको दाबी छ ।
कांग्रेस माओवादी र जसपाबीच गठबन्धन बन्ने भएपछि मात्रव नेपाल समूहले साथ दिएको अवस्थामा पनि ओलीले विश्वासको मत पाउने देखिएको छैन । विश्वासको मतप्रक्रिया सकिएलगत्तै कांग्रेस सभापति शेरबहादुर देउवाले ओलीविरुद्ध अविश्वासको प्रस्ताव पेश गर्ने भएका छन् भने आफूलाई बहुमत सदस्यको समर्थन रहेको दाबी प्रस्तुत गर्ने भएका छन् ।
