सरकारी निवास छोड्दा सुदन किराती खुशी
काठमाडौं, २२ फागुन । निवर्तमान पर्यटनमन्त्री सुदन किरातीले सरकारी निवास छोडेका छन् । उनले सरकारी निवास छोडेकोमा खुशी व्यक्त गरेका छन् । उनले आफू ४१३ दिन मन्त्री भएको पनि स्मरण गराएका छन् ।
मन्त्रीको रुपमा आफूले देश र जनताको सेवा गरेको भन्दै सो अवसर प्रदान गरेकोमा प्रधानमन्त्री प्रचण्डलाई धन्यवाद ज्ञापन गरेका छन् । उनले मन्त्री हुँदा आफूले राजनीतिक जीवनको हजार मृत्युहरु पटक पटक देखेको पनि सुनाएका छन् ।
उनले फेशबुकमा लेखेका छन्–
आज सरकारले दिएको निवास छोडेर जाँदैछु ।
पस्दा मलाई धेरै डर लागेको थियो तर निस्कदा खुसी छु । मेरो आमाले भन्नू हुन्थ्यो “जिम्मेवारी पाउनु गाह्रो कुरा हो त्यो भन्दा गाह्रो त पूरा गर्नु हो“
४१३ दिन मन्त्री पदमा बसेर देश र जनताको सेवा गरे। यो अवसर प्रदान गर्नु हुने प्रधानमन्त्री “प्रचण्ड“, मेरो पार्टी, मलाई मत दिनुहुने मतदातहरु र संसारका कुना–कुना बाट मलाई सहयोग र सहानुभूति दिनुहुने सम्पूर्ण महानुभावहरुमा धन्यवाद ज्ञापन गर्दछु । म र मेरो टिमले सकेको कोशिस गरेकाछौँ । हामीले रोपेको बिरुवामा धेरै कोपिला लागेको छ, आउने मालीले फक्राउनु हुनेछ भन्ने विश्वास लिएकोछु ।
मैले यहाँ बस्दा मेरो वुवाको एक प्राण लिने मृत्यु मात्र देखिन मेरो राजनीतिक जीवनको हजार मृत्युहरु पटक पटक देखे र राजनितिक मृत्युलाई मैले छल्न सके तर प्राणलिने मृत्युलाई वुवाले छल्नु सक्नु भएन ।
सत्य यो रहेछ कि भौतिक मृत्यु माथी अठोट र ईमानले जित्न नसकिदो रहेछ तर राजनीतिक मृत्युलाई अठोट र ईमानले जित्न सकिदो रहेछ ।
