महिला पत्रकारहरुको वृति विकासका लागि प्रदेश सरकारले काम गरिरहेको : मन्त्री गुरुङ
सुनसरी । प्रदेश नं १ का आन्तरिक मामिला तथा कानुन राज्य मन्त्री सुनिता गुरुङले महिला पत्रकारहरुकाे वृति विकासका लागि प्रदेश सरकारले काम गरिरहेकाे बताउनु भएकाे छ ।
नेपाल आदिवासी जनजाती पत्रकार महासंघ (फाेनिज) १ नं प्रदेश समितीले आज सुनसरीमा आयाेजना गरेकाे पहिचानका लागि सञ्चार अभियान अन्तरगत फाेनिजकर्मी महिला पत्रकारहरुकाे प्रथम प्रदेश स्तरिय प्रथम भेला तथा क्षामता विकास सचेताना कार्यक्रमलाई सम्बाेधन गर्दै उहाँले त्यस्ताे बताउनु भएकाे हाे ।
महिला पत्रकारहरुलाई अघिबढाउन प्रदेश सरकारले काम गरिरहेकाे भन्दै सञ्चारकाे क्षेत्रमा सत्य तथ्यमा आधारित भई निर्धक्कका साथ कलम चलाउन आग्रह गर्नुभयाे । उहाँले सरकारकाे राम्रा कामकाे प्रचार प्रसार तथा नराम्रा कामकाे खबरदारी गर्न समेत सञ्चारकर्मीहरुलाई आग्रह गर्नु भएकाे छ साथै उहाँले प्रदेश सदनमा मिडियामैत्री कानुनकाे विषयमा कुरा भईरहेकाे समेत उल्लेख गर्नुभयाे ।
फाेनिज केन्द्रीय सदस्य सुजता लिम्बुकाे अध्यक्षतामा सञ्चालित कार्यक्रममा फाेनिजकर्मी महिला पत्रकारहरुकाे समस्या,उनिहरुकाे क्षामता विकास, साईवर अपराध ऐन लगायतकाे वारेमा प्रशिक्षण दिईएकाे छ ।
कार्यक्रममा फाेनिज प्रदेश अध्यक्ष सन्तवीर लामाले फाेनिजकाे स्थापना, गठन तथा यसले गर्दै आएका कामहरुकाे वारेमा जानकारी गराउनु भएकाे थियाे । कार्यक्रमकै अवसरमा फाेनिज प्रदेश उपाध्यक्ष अप्सरा समालकाे संयाेजकत्वमा फाेनजि प्रदेश महिला विभाग समेत गठन गरि घाेषणा गरिएकाे छ ।
