झापाको मेचीनगरबाट प्रतिबन्धित लागुऔषध ब्राउनसुगर सहित १ जना पक्राउ
झापा, बैशाख ११ गते । झापाको मेचीनगर नगरपालिका-६ बाट प्रतिबन्धित लागुऔषध ब्राउनसुगर सहित १ जनालाई प्रहरीले पक्राउ गरेको छ ।
लागुऔषध ब्राउनसुगरको ओसार पसार भईरहेको भन्ने बिषेश सुचनाको आधारमा ईलाका प्रहरी कार्यालय काकडभिट्टा र लागुऔषध नियन्त्रण ब्युरो काकडभिट्टाबाट आईतवार राती साँढे ७ बजे खटिएको प्रहरी टोलीले धादिङ खनियाबास गाउँपालिका -५ घर भई काठमाण्डौ तार्केश्वर मनमैजु बस्ने २० बर्षीय बिनोद तामाङलाई मेचीनगर नगरपालिका-६ झापाबाट ४२ ग्राम ५४० मिलिग्राम लागुऔषध ब्राउनसुगर सहित पक्राउ गरेको हो ।
पक्राउ परेका तामाङको सम्बन्धमा प्रहरीले थप अनुसन्धान गरिरहेको छ ।
