मोरङमा सरकारी गाडीले ठक्कर दिंदा दुई बालिका घाइते
सुन्दरहरैचा । मोरङमा सरकारी गाडीले ठक्कर दिंदा दुई बालिका घाइते भएका छन्।
मोरङको सुन्दरहरैंचा १ पचाममा शुक्रबार करिव ५ बजे भएको सवारी दुर्घटनामा ग्रामथान ७ कि आयुसा गिरी र सुन्दरहरैंचा २ की एरिना पौडेल घाइते भएको प्रहरीले जनाएको छ।
बिराटनगरबाट विराटचोक तर्फ गइरहेको मे १ झ १५६ को सरकारी नम्बर प्लेटको गाडीले साइकलमा सवार उनीहरुलाई ठक्कर दिएको थियो। गिरीको दुइ वटै खुट्टा भाचिएको छ भनेर पौडेलको एउटा खुट्टा भाचिएको प्रहरीले जनाएको छ। उनीहरुको अहिले बिराटनगरस्थित न्युरो हस्पिटलमा उपचार भइरहेको छ।
गाडी बेलबारी इलाका प्रहरी कार्यालयको नियन्त्रणमा रहेको बताईएको छ।
