बिर्तामोडमा बालिकामाथि यौन दुर्व्यवहार, स्कुलका सुरक्षा गार्ड पक्राउ
बिर्तामोड । ९ वर्षीया बालिकामाथि यौन दुर्व्यवहार गरेको आरोपमा स्कुलका सुरक्षा गार्ड पक्राउ परेका छन् ।
झापाको बिर्तामोडस्थित नमुना स्कुल देवी माद्यमिक विद्यालयका सुरक्षा गार्ड बालिकामाथि यौन दुर्ववहार अभियोगमा पक्राउ परेका छन् ।
इलाका प्रहरी कार्यालय बिर्तामोडका अनुसार जिल्लामै प्रतिष्ठित देवी माविका सुरक्षा गार्ड बिर्तामोड-४ निवासी ७० वर्षीय तेजबहादुर पान्डे बालिका यौन दुर्व्यवहार अभियोगमा गत बुधबार पक्राउ परेका हुन् ।
कराते खेल्न आएकी बिर्तामोड-६ की ९ वर्षीया बालिकालाई विद्यालय परिसरमै यौनजन्य हिंसा भएको भन्दै बालिकाका परिवारले प्रहरीमा जाहेरी दिएका थिए ।
जाहेरीकै आधारमा उनलाई पक्राउ गरी अदालतबाट म्याद थप गरी अनुसन्धान जारी राखिएको इलाका प्रहरी कार्यालय बिर्तामोडका प्रहरी निरीक्षक रमेश राईले जानकारी दिए ।
