किरात धर्म सम्बन्धि प्रथम राष्ट्रिय गोष्ठी सम्पन्न
काठमाडौं, २५ साउन । किरात धर्मगुरु मुहिङगुम अङसीमाङ लिङदेन आत्मानन्द (सेइङ) तथा जगत जननी माताश्री मुहिङगुम अङसीमामाङ साम्बा लिङदेन पवित्रज्यूहरूको आध्यात्मिक, धार्मिक दर्शन, वेदशास्त्र, सामाजिक, व्यवहारिक शिक्षा, जान उपदेश र महान भविष्यवाणी विषयमा प्रथम राष्ट्रिय गोष्ठी कार्यक्रम सम्पन्न भएको छ ।
किरात धर्म संरक्षण, प्रवर्द्धन र विकासका लागि गोष्ठी आयोजना गरिएको बताइएको छ । आज (शुक्रबार) (शुक्रबार) रिपोर्टर्स क्लब नेपालमा आयोजित गोष्ठीमा पूर्व गृहराज्यमन्त्री दीपककुमार बास्कोटा, कोशी प्रदेश सरकारकी पूर्व स्वास्थ्यमन्त्री निर्मला तावा, मुन्धुमविद् डा. चन्द्रकुमार शेर्मा, किरात धर्म गुरुका निजी प्रवक्ता डिल्लीराम चाम्लिङलगायतको सहभागिता रहेको थियो ।
मुन्धुमविद् डा.शेर्माले शुन्य, निराकार, निरञ्जनबाट ईश्वर प्राप्ति हुने बताए । उनले चराचर जगत इश्वरको शृष्टि रहेको बताए । उनले किरात धर्मगुरु आत्मनन्द गुरु, फाल्गुनन्द महागुरु र किरात धर्मको बारेमा प्रकाश पारेका थिए ।
