सप्तकोशी नदी किनारबाट ५५ किलोग्राम गाँजा बरामद
विराटनगर, कार्तिक ०९ गते । उदयपुरको बेलका नगरपालिका-८ स्थित सप्तकोशी नदी किनारबाट ५५ किलोग्राम गाँजा प्रहरीले बरामद गरेको छ ।
कार्तिक ८ गते इलाका प्रहरी कार्यालय रामपुर ठोक्सिलाबाट गस्तीमा खटिएको प्रहरी टोलीले उक्त गाँजा बरामद गरेको हो ।
यसै गरी इलाका प्रहरी कार्यालय धुलाबारी झापाको प्रहरी टोलीले मेचिनगर नगरपालिका-१० की नाजेरा खातुनलाई २ सय २० ग्राम गाँजा सहित पक्राउ गरेको छ ।
