सुन्दरहरैंचामा टिपरको ठक्करबाट स्कुटरमा सवार मृत्यु भएकी महिला धनकुटाकी,खुल्यो पहिचान
विराटनगर । मोरङमा बिहिबार दिउँसो सुन्दरहरैँचा नगरपालिका-१२ किस्ती पुलमा तीव्र गतिमा रहेको टिपरले स्कुटरलाई ठक्कर दिँदा स्कुटर चालक महिलाको मृत्यु भएको थियो ।
पूर्व-पश्चिम राजमार्गमा पूर्वबाट पश्चिमतर्फ आउँदै गरेको को१क ३४१७ नम्बरको टिपरले पश्चिमबाट पूर्वतर्फ जाँदै गरेको को२८प ६१३२ नम्बरको स्कुटरलाई बिहीबार दिउँसो ३:४० बजेतिर ठक्कर दिएको थियो।
दुर्घटनामा परेर स्कुटर चालक धनकुटाको सहिदभूमि गाउंपालिका खोकु घर भइ हाल सुनसरीको धरान उपमहानगरपालिका–१५ बस्ने ४३ वर्षीया भीमा राई रहेको मोरङ प्रहरीले जनाएको छ।
टिपरले ठक्कर दिएपछि शरीरका विभिन्न भागमा चोट लागेर गम्भीर घाइते भएकी महिलालाई उपचारका लागि विराटनगरको कोशी अस्पताल पुर्याउनसाथ चिकित्सकले दिउँसो ४:३० बजेतिर मृत घोषित गरिदिएका थिए ।
