यि हुन् धरानबाट पक्राउ परेका धनकुटाका दुई युवक
सुनसरी, कार्तिक १२ । सुनसरीको धरान उप-महानगरपालिका-६ स्थितबाट लागुऔषध गाँजा सहित २ जना पक्राउ परेका छन ।
कार्तिक ११ गते प्रहरी चौकी पानबारीबाट खटिएको प्रहरी गस्ती टोलीले चेकजाँचको क्रममा को.३२ प १७५० नम्बरको मोटरसाईकलमा प्लाष्टिकको बोरामा प्याक गरी बोकेको अवस्थामा २० किलोग्राम गाँजा बरामद गरेको हो ।
गाँजा बरामद भए संगै ओसार पसारमा संलग्न मोटरसाईकल चालक धनकुटा सागुरगढी-१ का ३२ बर्षीय बुद्धराज लिम्बु र पछाडि सवार ३० बर्षीय महा प्रसाद लिम्बुलाई प्रहरीले नियन्त्रणमा लिएको छ ।
लागुऔषध गाँजा सहित पक्राउ परेका उनिहरुको इलाका प्रहरी कार्यालय धरानबाट थप अनुसन्धान भईरहेको छ ।
