मोरङ र सुनसरीबाट लागुऔषध सहित २ जना पक्राउ
विराटनगर, कार्तिक १३ गते । मोरङ र सुनसरीबाट लागुऔषध सहित २ जनालाई प्रहरीले पक्राउ गरेको छ ।
कार्तिक १२ गते इलाका प्रहरी कार्यालय बिराटचौकबाट खटिएको प्रहरी टोलीले मोरङको सुन्दरहरैचा नगरपालिका-१० का २२ बर्षीय बिशाल सार्कीलाई उनकै घर कोठाबाट प्रतिबन्धित औषधी ट्रमाडोल, स्पास्मो ११६ ट्याब्लेट र गाँजा १५ ग्राम सहित पक्राउ गरेको छ भने सुनसरीको प्रहरी चौकी पचरुखीले इटहरी उप-महानगरपालिका-१४ का ३४ बर्षीय जोतिष चौधरीलाई १ ग्राम ५ सय ३० मिलिग्राम ब्राउनसुगर सहित पक्राउ गरेको छ ।
पक्राउ परेका उनिहरुको थप अनुसन्धान तथा कानुनि कारवाही भईरहेको छ ।
