ताप्लेजुङबाट फिदिम आउंदै गरेको मोटरसाइकल दुर्घटना
इलाम । ताप्लेजुङबाट फिदिमतर्फ आउँदै गर्दा झापा मेचीनगर नगरपालिकाका चूडामणि चौलागाईं सडक दुर्घटनामा घाइते भएका छन् ।
हिजो दिउँसो २ बजे ताप्लेजुङबाट फिदिमतर्फ आउँदै गर्दा मेचीनगर-६ बस्ने २८ वर्षीय चौलागाईंले चलाएको प्रदेश १–०१–०१५ प २६९७ नम्बरको मोटरसाइकल आफैँ अनियन्त्रित भई दुर्घटना भएको थियो ।
दुर्घटनामा चालक चौलागाईं घाइते भएका छन् भने सोही मोटरसाइकलमा पछाडि बसेका उनका दाजु ४३ वर्षीय शिवहरि चौलागाईं सकुशल रहेका छन् ।
घाइतेलाई उपचारको लागि झापातर्फ ल्याइएको र मोटरसाइकल जिल्ला प्रहरी कार्यालय पाँचथरको नियन्त्रणमा रहेको प्रहरीले जनाएको छ ।
