मोरङ र झापामा सवारी दुर्घटनाबाट ३ जनाको मृत्यु
विराटनगर, मंसिर २ गते । मोरङ र झापामा सवारी दुर्घटना हुँदा ३ जनाको मृत्यु भएको छ ।
मंसिर १ गते दिउँसो साढे २ बजे मोरङको पथरी शनिश्चरे नगरपालिका-२ स्थित पूर्व पश्चिम लोकमार्गमा बागमती प्र.३-००१ ख२९२८ नम्बरको टिफरले को. २० प ६०७ नम्बरको मोटरसाईकललाई ठक्कर दिई दुर्घटना हुँदा मोटरसाईकलमा सवार पथरीशनिश्चरे-७ का १८ बर्षीय निश्चल आङदेम्बे र पथरीशनिश्चरे-२ का ४८ बर्षीय प्रितम गौतम गम्भिर घाईते भई उपचारको लागि मदन भण्डारी तथा ट्रमा सेन्टर मंगलबारे उर्लाबारी लगिएकोमा अस्पतल पुर्याउनासाथ दुवै जनाको मृत्यु भएको हो ।
सोही दिन बेलुका झापाको बिर्तामोड नगरपालिका-२ स्थित पूर्व पश्चिम लोकमार्गमा ना.३ ख ४३६४ नम्बरको ट्रकले मे. १० प ६०१७ नम्बरको स्कुटरलाई ठक्कर दिंदा घाईते भएकी स्कुटर चालक शिवसताक्षी नगरपालिका-७ का २२ की रोजी कटुवालको उपचारको क्रममा BNC अस्पताल बिर्तामोडमा मृत्यु भएको हो ।
दुर्घटनामा संलग्न रहेका टिफरका चालक सुन्दरहरैचा मोरङका ३५ बर्षीय सुरेश राई र ट्रक चालक झापा अर्जुनधारा का ५२ बर्षीय राज कुमार कार्कीलाई प्रहरीले नियन्त्रणमा लिई कानुनि कारवाही तथा आवश्यक अनुसन्धान गरीरहेको छ ।
