धनकुटाका यमजित १७ क्विन्टल ३६ किलो गाँजा सहित राजगढबाट पक्राउ
सप्तरी । राजगढ गाउँपालिका–४ बाट १७ क्विन्टल ३६ किलो गाँजासहित एक जनालाई पक्राउ गरेको छ ।
पक्राउ पर्नेमा टिपर चालक धनकुटाको सहिदभूमि गाउँपालिका–३ का ३३ वर्षीय यमजित राई रहेका छन् ।
बालुवा र गिट्टीले छोपेर उक्त परिमाणको गाँजा लिएर राजगढ गाउँपालिका–४ बेल्ही चपेना शनि मन्दिरस्थित भित्री सडक खण्डमा पत्थरगाढाबाट झुटकीतर्फ गइरहेको टिपर र त्यसका चालकलाई सोमबार राति पक्राउ गरिएको हो ।
