धनकुटा पाख्रिबासका चार जना लागुऔषध गाँजा सहित धरानबाट पक्राउ
सुनसरी, मंसिर ८ । सुनसरीको धरान उप-महानगरपालिका -६ स्थितबाट लागुऔषध गाँजा सहित ४ जनालाई प्रहरीले पक्राउ गरेको छ ।
बिशेष सुचनाको आधारमा अस्थाई प्रहरी पोष्ट तिनकुनेबाट खटिएको प्रहरी टोलीले प्रदेश-१-०४-००१-प ४७७३ नम्बरको स्कुटर चालक धनकुटा पाख्रिबास- २का २७ बर्षीय संजिप तामाङ, पछाडि सवार धनकुटा पाख्रिबास-८की २७ वर्षिय सुगम राई र बा ९६ प ७२११ नम्बरको मोटरसाईकल चालक धनकुटा पाख्रिबास-२का ३६ वर्षिय राजेश तामाङ, पछाडी सवार धनकुटा पाख्रिबास-८की २३ वर्षिय निगम राईलाई २१ किलोग्राम लागुऔषध गाँजा सहित नियन्त्रणमा लिएको थियो ।
लागुऔषध गाँजा सहित पक्राउ परेका उनीहरुको सम्बन्धमा थप अनुसन्धान भई रहेको छ ।
