अर्जुनधारामा गाई काट्ने तामाङ पक्राउ
झापा । झापाको कनकाईमा गाई काटेर खाएको घटनाको पर्सिपल्ट अर्जुनधारामा पनि गौहत्या भएको छ ।
अर्जुनधारा-५ पानीकलस्थित बिरिङ खोलाको किनारमा गाईको हत्या गरिरहेको अवस्थामा हिजो राति ९ः४५ बजे एकजना पक्राउ परेका छन् ।
पक्राउ पर्नेहरुमा ५० वर्षीय राम तामाङ रहेका छन् । उनलाई पक्राउ गरी इलाका प्रहरी कार्यालय बिर्तामोडमा राखिएको छ ।
यसअघि मंगलवार कनकाई ३ टप्पुमा लैनो गाईको हत्यामा संलग्न चारजनालाई प्रहरीले पक्राउ गरेर सार्वजनिक गरिसकेको छ ।
एक महिनाअघि दमकमा पनि गोठबाट गाई चोरेर हत्या गरिएको थियो । पछिल्लो समय झापामा गौहत्याका घटना बढिरहेको छ ।-झापाटुडे
