धरानबाट प्रतिबन्धित औषधी र गाँजा सहित ८ जना पक्राउ
सुनसरी, पुस १ । सुनसरी जिल्लाको बिभिन्न स्थानहरुबाट प्रतिबन्धित औषधी र गाँजा सहित ८ जनालाई प्रहरीले पक्राउ गरेको छ ।
मंसिर ३० गते दिउँसो लागुऔषध बेचबिखन भईरहेको भन्ने विशेष सुचनाको आधारमा इलाका प्रहरी कार्यालय धरान तथा मातहत कार्यालयहरुबाट खटिएको प्रहरी टोलीले चेकजाँचको क्रममा ट्रामाटोल ४ सय १७ क्याप्सुल, नियन्त्रीत औषधी स्पासपेन ४ सय २३ ट्याब्लेट, ५ सय २० ग्राम गाँजा सहित धरान-१५ का २३ बर्षीय सौरब जिमी, धरान-१३ का २३ बर्षीय आविस्कार घताने, २३ बर्षीय अनुराग राई, धरान-१६ का २४ बर्षीय अनिस बस्नेत, २२ बर्षीय सतिस श्रेष्ठ, २४ बर्षीय रोहन गुरुङ र धरान-११ की २० बर्षीया मिना तामाङ समेतलाई पक्राउ गरेको छ । यसै गरी धरान-१७ स्थितबाट प्रदेश १-०२-००२ ह१६५५ नम्बरको अटो भित्र ७ वटा बोरामा १ सय २३ किलो ३९ ग्राम गाँजा सहित चालक धरान-१७ का ३१ बर्षीय धन बहादुर भण्डारीलाई नियन्त्रणमा लिएको छ ।
लागुऔषध सहित पक्राउ परेका उनिहरुको थप अनुसन्धान भईरहेको छ ।
