दमकमा मोटरसाईकल अनियन्त्रित भई दुर्घटना हुँदा तीन जनाकै मृत्यु
झापा, पुस १ । झापाको दमक नगरपालिका-१० स्थितमा मोटरसाईकल अनियन्त्रित भई दुर्घटनामा ३ जनाको मृत्यु भएको छ ।
मंसिर ३० गते राती १० बजे प्रदेश १-०१-०१५ प १७९३ नम्बरको मोटरसाईकल आफै अनियन्त्रीत भई दुर्घटना हुदा मोटरसाईकल चालक मोरङ रतुवामाई नगरपालिका-८ का २७ बर्षीय बिराज थापा, सोही मोटरसाईकलमा सवार गौरादह नगरपालिका-५ की ३२ बर्षीया जमुना धिमाल र २५ बर्षीया ओम कुमारी राई घाईते भएकोमा उपचारको क्रममा धिमाल र राईको दमक अस्पतालमा मृत्यु भएको हो ।
घाइके मोटरसाईकल चालक थापालाई थप उपचारको लागि BNC अस्पताल बिर्तामोड पठाईएकोमा उपचारको क्रममा थापाको पनि निधन भएको छ ।
घटना सम्बन्धमा इलाका प्रहरी कार्यालय दमकबाट थप अनुसन्धान भईरहेको छ ।
