लागूऔषध मुद्दाका ३ जना फरार प्रतिवादी पक्राउ
विराटनगर, पुस २७ गते । कोशी प्रदेश प्रहरी कार्यालय विराटनगर PIT शाखा बाट खटिएको प्रहरी टोलीले लागूऔषध मुद्दाका ३ जना फरार प्रतिवादी पक्राउ गरेको छ ।
फरार प्रतिवादी पक्राउ अभियान अन्तरगत खटिएको प्रहरी टोलीले लागूऔषध मुद्दामा मिति २०८१।०२।१७ गतेको फैसला आदेशले १० महिना २० दिन कैद तोकिई फरार रहेका इटहरी-४ का ४१ बर्षीय उत्तम कुमार तामाङ, मिति २०८०।०८।०७ गतेको फैसला आदेशले ७ महिना कैद र ३ हजार जरिबाना तोकिई फरार रहेका इटहरी-७ का ४७ बर्षीय दिपक विक्रम साह र मिति २०८०।०९।१९ गतेको फैसला आदेशले १ महिना १३ दिन कैद तोकिई फरार रहेका सुन्दरहरैचा नगरपालिका-१० का २७ बर्षीय सुमन कोइरालालाई लुकीछिपी बसेको स्थानबाट पक्राउ गरी कैद भुक्तानको लागि कारागार पठाईएको छ ।
