बस दुर्घटना हुँदा एक जनाको मृत्यु र दुई जना घाइते
काठमाडौ । काभ्रेपलाञ्चोकको तेमाल गाउँपालिका-३ कुँडुवाल खोलामा बस दुर्घटना हुँदा एक जनाको मृत्यु र दुई जना घाइते भएका छन्।
बिहीबार बिहान ५:४० मा धादिङबाट जन्ती फर्किँदै गरेको ना ४ ख ८८१७ नम्बरको बस मोडमा ब्याक गर्दा सडकबाट २०० मिटर तल खसेको थियो।
दुर्घटनामा बसका गाडी साहु रामसिंह तामाङको घटनास्थलमै मृत्यु भएको छ भने बस चालक कृष्ण ब्लोन गम्भीर घाइते भएका छन्। उनलाई धुलिखेल अस्पताल पठाइएको छ।
