तीन तहको सरकारको समन्वय उत्कृष्ट काम हुन्छ भन्ने उदाहरण भरतपुर सडक हो: सहरी विकास मन्त्री
चितवन, ५ बैशाख । उपप्रधानमन्त्री एवम् शहरी विकास मन्त्री प्रकाशमान सिंहले शहरहरूमा सडक बनाउँदा युटिलिटी करिडाेरकाे अवधारणा अगाडि बढाउनुपर्ने बताएका छन् ।
पूर्वपश्चिम राजमार्गकाे ६ लेनमा विस्तारित गाेन्द्राङ- पुल्चाेक सडक खण्डकाे समुद्घाटन समाराेहलाई सम्बाेधन गर्दै उपप्रधानमन्त्री एवम् शहरी विकास मन्त्री सिंहले युटिलिटी करिडाेरकाे अवधारणाले विकास निर्माणकाे कामलाई राम्राे गर्ने बताए ।
सडक बने लगत्तै ढल, खाेनपानीकाे पाइप, फाइबर विछ्याउनका लागि भत्काइहाल्ने प्रवृत्ति राेक्नका लागस पनि युटिलिटी करिडाेरकाे अवधारणामा जानुपर्नेमा सिंहकाे जाेड छ ।
`खासकुरा शहरकाे बिचमा बाटाे बनाउँदा युटिलिटी करिडाेरकाे अवधारणालाई अब हामी हामीले अगाडि बढाउनुपर्छ । सडक बन्छ लगत्तै ढल, पाइपलाइन, फाइबर बिछ्याउन भत्काइन्छ , ´ उनले भने, `जसले गर्दा जनतामा बाटाे बनेपनि भत्किहाल्छ भन्ने परेकाे छ । यसलाई राेक्न युटिलिटी करिडाेरमा अब ध्यान दिनैपर्छ । ´
त्यस्तै उपप्रधानमन्त्री सिंहले अहिले सरकारले पूर्वाधार निर्माणतर्फ जोड दिइरहेकाे बताए ।
व्यवस्था बदलियाे अवस्था बदलिएन भन्ने भाष्य बनाउन अहिले खाेजिएकाे भन्दै उनले व्यवस्थासँगै जनताकाे अवस्थामा पनि परिवर्तन आएकाे दाबी गरे ।
`राम्राे काम हाेस् भन्ने जनताकाे चाहना छ, त्यसका लागि समय लाग्छ । धेरै कुरा गर्नुभन्दा काम गरेरै देखाउनुछ । डेलिभरी हुनुपर्याे भन्ने आम जनताकाे चाहना छ । डेलिभरी बिस्तारै हुँदैछ,´ उनले भने।
त्यस्तै उनले संघियताकाे भावना संघ, प्रदेश र स्थानीय सरकार मिलेर नै विकास निर्माणकाे काम गर्ने रहेकाे बताए । जनताले चाहेकाे आयाेजना तीन तहकाे सरकारकाे संयाेजनमा अघि बढाउँदा सफल हुनेरहेछ भन्ने उदाहरण पूर्वपश्चिम राजमार्गकाे ६ लेनमा विस्तारित गाेन्द्राङ- पुल्चाेक सडक खण्ड बनेकाे पनि सिंहले प्रष्ट पारे ।
उनले सडक विस्तारसँगै गतिशिलता बढ्ने र त्यसले आर्थीक गतिविधिवृद्धिसँगै पूर्वाधार निर्माण सहज बनाउने बताए ।
