शोक प्रस्ताव पारित गरी राष्ट्रियसभा बैठक स्थगित
काठमाडौं, १२ बैशाख । शोक प्रस्ताव पारित गरी राष्ट्रियसभाको आजको बैठक स्थगन गरिएको छ ।
पूर्वमन्त्री तथा प्रतिनिधिसभा सदस्य दीपक बोहोराको निधन सम्बन्धमा अध्यक्ष दाहालले प्रस्तुत गरेको शोक प्रस्ताव सभाले सर्वसम्मतीले पारित गरेसँगै सभा स्थगन गरिएको हो ।
राष्ट्रिय प्रजातन्त्र पार्टीका वरिष्ठ नेतासमेत रहेको बोहोरा रुपन्देही निर्वाचन क्षेत्र नम्बर ३ बाट प्रतिनिधिसभाको संसद्मा निर्वाचित भएका थिए ।
