सुनसरीको रामधुनीमा मोटरसाईकल दुर्घटना हुंदा ३ जनाको मृत्यु,२ घाईते
सुनसरी, असार १५ गते । सुनसरीको रामधुनी नगरपालिका- ७ स्थितमा मोटरसाईकल दुर्घटना हुँदा ३ जनाको मृत्यु भएको छ भने २ जना घाईते भएका छन् ।
असार १४ गते को. ३३ प ९६०५ नम्बर र प्रदेश १-०२-०५६ प ५८६४ नम्बरको मोटरसाईकल आपसमा ठक्कर लागी दुर्घटना हुँदा दुबै मोटरसाईकलमा सवार रामधुनी नगरपालिका- ६ का ३४ बर्षीय इनर्चन चौधरी उनको श्रीमती ३२ बर्षीया प्रतिक्षा चौधरी र ९ बर्षीय छोरा प्रनिश चौधरी, ईनरुवा नगरपालिका- ६ का ५१ बर्षीय बिन्दु यादव र इटहरी-७ का ३६ बर्षीय रमेश चौधरी घाईते भई उपचारको लागी धरान घोपा लगिएकोमा उपचारको क्रममा इनरचन चौधरी, प्रनिश चौधरी र बिन्दु यादवको मृत्यु भएको हो ।
