खोटाङ काँग्रेस जिल्ला सदस्य राईले चालकलाई भरुवा बन्दुक तेर्साउँदै यात्रु सहितको टाटा सुमोलाई रोकेपछि…
खोटाङ । नेपाली काँग्रेस खोटाङका जिल्ला सदस्य श्यामकुमार राईले दिक्तेल रुपाकोट मझुवागढी नगरपालिका–११ खार्मीमा चालकलाई भरुवा बन्दुक तेर्साउँदै यात्रुसहितको टाटा सुमोलाई रोकेका छन ।
खार्मी घर भएका काँग्रेस नेता राईले दिक्तेलतर्फ आउँदै गरेको ना १ ज ४३७२ नम्बरको सुमोलाई (सोमबार) बिहान आफ्नै घर अगाडि बन्दुक तेर्साएर रोकेका हुन ।
आफूहरुले सडक मर्मत गरेको भन्दै सहयोग रकम माग गर्दै काँग्रेस नेता राईले बन्दुक तेर्साएको चालक सविन तामाङले बताए ।
चालक तामाङका अनुसार नेता राईले सडकमा बाँस तथा मुढाहरुले सडक अवरोध पारेर आक्रमणको प्रयास गरेका थिए ।
