राम्रो ठाउँमा सरुवा गरिदन्छु भन्दै कैदीसँग घुष लिने जेलर ४० हजार रकमसहित पक्राउ
सप्तरी, माघ २२ । अपराध गरेवापत अपराधी जेल गएको त सुनिएकै हो । तर अपराधको सजाय भुक्तान गरिरहेका कैदीहरु लगायत कारागारका अन्य सेवा सुविधा हेर्ने जिम्मेवारी पाएका जेलर पक्राउ भएको घटना भने विरलै सुनिन्छ ।
जेलमा सजाय भुक्तान गरिरहेका कैदीलाई एक ठाउँबाट अर्को राम्रो ठाउँमा सरुवा गरिदन्छु भन्दै घुष लिने जेलर अख्तियार दुरुपयोग अनुसन्धान आयोगको फन्दामा परेको उज्ज्यालो अनलाईनले लेखेको छ ।
जिल्ला कारागार सप्तरीका जेलर नायव सुब्बा कृष्णबहादुर दाहाललाई राम्रो ठाउँमा सरुवा गरिदिने भन्दै कारागारका कैदीबाट उठाएको ४० हजार घुस रकमसहित पक्राउ गरिएको अख्तियारले जनाएको छ ।
अख्तियार दुरुपयोग अनुसन्धान आयोग बर्दिवास र इटहरीको टोलीले दाहाललाई घुस रकमसहित पक्राउ गरेर अनुसन्धान थालेको अख्तियारले जनाएको छ ।
