निष्कर्ष बिहिन टुङ्गियो ओली र प्रचण्डबीचको ५ घण्टा लामो गोप्य वार्ता
काठमाडौं, ६ फागुन । नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालबीचको गोप्य वार्ता सकिएको छ ।
भक्तपुरको सानोठिमीस्थित व्यवसायी दुर्गा प्रसाईंको घरमा भएको ओली र दाहालबीच ५ घण्टा लामो गोप्य वार्ता भएको थियो । पांच घण्टा चलेको वार्तावाट पनि दुवैनेताले कुनै निष्कर्ष निकाल्न सकेनन् ।
पार्टी एकताको लागि अझै गृहकार्य नपुगेको भन्दै दुई नेता छुट्टिएका छन् ।
बैठकमा पार्टी एकता र मन्त्रीपरिषद्का बारेमा छलफल भएको ओलीका प्रेस संयोजक चेतन अधिकारीले बताएका छन् । अझै केही समय दुई अध्यक्ष बिचको गोप्य वार्ताले निरन्तरता पाउने अधिकारीले बताएका छन् ।
दुई पार्टीका अध्यक्षले पार्टी एकताको काम सकेपछि मात्र एकता संयोजन समितिको बैठक बस्ने अधिकारीले जानकारी दिएका छन् ।
दुई नेताबीचको बैठकले कुनै निष्कर्ष दिन नसके पछि आज बस्ने भनिएको पार्टी एकता संयोजन समितिको बैठक स्थगित भएको छ ।
