सवारी चालक अनुमतिपत्रका लागि अनलाइन फारम बन्द
काठमाडौ , १७ माघ । यातायात व्यवस्था विभागले सवारी चालक अनुमतिपत्रका लागि अनलाइन फारम बन्द गरिएको जनाएको छ ।
विभागले एक सूचना जारी गर्दै अनुमति पत्रसम्बन्धी अनलाइन प्रणाली परिमार्जन गर्न लागिएकाले हालका लागि सेवा सञ्चालन नभएको जनाएको हो ।
उक्त प्रणालीमा देखिएको समस्या यथाशीघ्र समाधान गरेर सञ्चालनमा ल्याइने विभागले जनाएको छ । यातायात व्यवस्था विभागले गत वर्षदेखि नै देशभरका सेवाग्राहीले अनलाइन भरेका आवेदनबाट फारम बुझेर अनुमतिपत्रका लागि लिखित र प्रयोगात्मक परीक्षा लिने गरेको छ ।
