मन्त्री बाँस्कोटाको सार्वजनिक अडियोबारे ओली-दाहाल बीच छलफल
काठमाडौं । सेक्युरिटी मेसिन खरिदबारेमा सञ्चार तथा सूचना प्रविधिमन्त्री गोकुल बाँस्कोटाको अभिव्यक्ति सार्वजनिक अडियो प्र,करणबारे प्रधानमन्त्री केपी ओली र नेकपाका अध्यक्ष पुष्पकमल दाहालबीच छलफल भएको छ ।
मन्त्री बाँस्काेटाको अडियो अभिव्यक्ति विभिन्न संचारमाध्यममा छताछुल्ल भएपछि प्रधानमन्त्री ओलीसँग सल्लाह गर्न अध्यक्ष दाहाल बिहीबार बिहान प्रधानमन्त्री निवास बालुवाटार पुग्नुभएको हो ।
प्रधानमन्त्री ओली र अध्यक्ष दाहालबिचकाे छलफलपछि सञ्चारमन्त्री बाँकोटालाई भेटेर एकपटक त्यसबारे स्पष्टिकरण सोध्ने र चित्त बुझ्दो जवाफ नआए राजीनामा माग्ने निर्कषमा पुगेको स्रोतले जनाएको छ ।
सञ्चारमन्त्री बाँँस्कोटा अहिले महेन्द्रनगरकाे बेलडाँडीमा हुनुहुन्छ । उहाँ त्यहाँबाट फर्कने तयारी गरिरहनुभएको छ । मन्त्री बाँँस्कोटा बेलडाँडीबाट फर्केर सोझै प्रधानमन्त्री ओली तथा अध्यक्ष दाहाल कहाँ पुग्नुहुनेछ ।
प्रधानमन्त्री ओली तथा अध्यक्ष दाहाललाई भेटेपछि उहाँले राजीनामा दिने सम्भावना प्रबल रहेकाे प्रधानमन्त्री कार्यालय स्रोतको भनाई छ । ‘उहाँको कुरा उहाँ आफैले भन्नु हुनेछ’ प्रधानमन्त्री कार्यालय स्रोतले भन्यो, ‘मन्त्री पद उहाँकोे लागि आजै अन्तिम पनि हुन सक्छ ।’
