सिप, रोजगार र उद्यमतर्फ लैजान अपांगताको सुझाव
खड्क सुनार/मुगु,१८ मंसिर । हिमाली जिल्ला मुगुमा पनि अपाङ्गता भएका व्यक्तिहरूको ३३ औँ अन्तर्राष्ट्रिय दिवस आज विभिन्न कार्यक्रम गरी मनाइएको छ ।
‘समावेशी तथा दिगो भविष्यको पूर्वाधार, अपाङ्गता भएका व्यक्तिको प्रवल नेतृत्व यसको आधार’ भन्ने मूल नाराका साथ विभिन्न कार्यक्रम गरी मनाइएको छ ।
दिवसको अवसरमा आज बिहान जिल्ला समन्वय समिति मुगु बाट ¥याली निकालिएको थियो भने अदालत चोक पुगेर पुन समन्वय समितिको हलमा कोणसभामा परिणत भएको थियो । सन् १९९२ देखि विश्वभर यो दिवस मनाउन थालिएको हो । यसै सन्दर्भमा मुगुमा पनि मनाईएको छ ।
कार्यक्रममा कविता प्रतियोगिता , रेडियो बहस जस्ता कार्यक्रम गरी मनाईएको छ । दिवसमा बोल्दै डार्डो नेपाल मुगुका अध्यक्ष रमेश रावलका अनुसार संघ , प्रदेश र स्थानीय सरकार बाट निर्माण हुने भवनहरु निर्माण गर्दा अपांगमैत्री बनाएजस्तो देखिए पनि पूर्ण नभएको बताए ।
संरचना बनाउँदा सबै कोठामा अपांगता भएका ब्यक्ति जान सहजरुपमा पुग्ने गरी अपांगमैत्री बनाउनुपर्ने बताउँछन् । शिक्षा सवैको लागि भन्ने सरकारी अभियान छ । तर अपांगता भएका व्यक्तिलाई सहजै रुपमा विद्यालय जाने अवस्था छै ।
विद्यालय भवन, शौचालय, कक्षाकोठा पनि अपांगमैत्री बनाउनुपर्नेमा उनीहरूले जोड दिए । सडक, पैदलमार्ग पनि अपांगमैत्री भए झनै राम्रो हुने उनीहरूको भनाइ छ । छायाँनाथ रारा नगरपालिकाले गरेको अपांग निति , कार्यविधिहरु छिट्टै पारित गर्न सुझाव दिए ।
यस्तै कर्णाली प्रदेश सभा सदस्य माननिय जित बहादुर मल्लका अनुसार आगामि बर्षहरुमा अपांगता भएका ब्यक्तिहरु लाई सिप सिक्न , उद्यम बन्न र रोजगारी तर्फ अग्रसर गराउन प्रदेश सरकारले बिशेष पिछडिएको क्षेत्र अन्तर्गत रहेर यस्ता कार्यक्रम सञ्चालन गर्ने बताए ।
यता छायाँनाथ रारा नगरपालिकाका नगर उपप्रमुख ऐश्वर्या मल्लका अनुसार नेपाल सरकारले प्रदान गर्दे आईरहेका हक अधिकार , सेवा सुविधा बाट अपांगता भएका ब्यक्ति लाई कुनै पनि तवर बाट बञ्चित नगराउने बताईन ।
राज्यले उनीहरु लाई दिएको सेवा जस्तै हवाईजहाज , यातायात , अस्पताल जस्ता स्थानहरुमा ५० प्रतिशत छुट गर्ने सन्दर्भमा स्थानीय सरकार कटिबद्ध रुपमा लागि रहेको जानकारी गराईन । नगरपालिकाले गरेका निति , कार्यविधिहरु छिट्टै पारित गरी कार्यान्वयनमा ल्याईने र अपांग परिचय पत्र सामाजिक सुरक्षा भत्ता जस्ता सेवा बाट बर्गिकरण अनुसार उपलब्ध गराईने पनि जानकारी गराईन ।
दिवसकै अवसरमा अपांगता भएका ब्यक्तिहरुको लागि शिक्षामा समाबेशिताको अवस्था भन्ने शिर्षकमा कविता प्रतियोगिता गरिएको थियो । जसमा नेपाल राष्ट्यि मिन मावि भारेकोटकी विनिता मल्ल प्रथम हुनु भएको छ भने दोश्रोमा महाकाली मावि श्रीनगरका सन्तोषि भक्रि रहेकी छन त्यस्तै प्रकाश मावि लुमका अटलदेवी रावल तेश्रो स्तानमा आउनु भएको छ । उनीहरु लाई क्रमश झोला , शैक्षिक सामग्री र प्रशंसा पत्र सहित पुरस्कार बितरण गरिएको छ ।
अन्य सहभागिहरु लाई पनि प्रसंशा पत्र बितरण गरिएको थियो । जम्मा ६ बिद्यार्थीले सहभागिता जनाएका थिए । दिवसमा अवसरमा सहभागि भएका अपांगता भएका ब्यक्तिहरुले यस्तो भनका छन् हामि लाई सरकारले सिप , रोजगार र उद्यम तर्फ लैजान सुझाव दिएका छन् ।
