झापामा अव्यवस्थित इन्टरनेट तारका कारण दुर्घटना
झापा । झापा गाउँपालिका–६ का सरमान कटुवाल अव्यवस्थित इन्टरनेट तारमा अल्झिएर स्कुटर दुर्घटनामा घाइते भएका छन्।
झापा गाउँपालिका–३ कामाटोली बजारमा स्कुटर चलाउँदै गर्दा उनी तारमा अल्झिएका हुन्।
दुर्घटनामा उनको टाउको र मुखमा चोट लागेको छ। स्थानीयले तत्काल उपचारका लागि अस्पताल पठाएका छन्।
बिजुलीको पोलबाट सडक पार गर्दै लगिएको इन्टरनेटको तार ट्रकमा अल्झिएर सडकमा झरेका कारण दुर्घटना भएको जनाइएको छ।
– झापा एक्सप्रेस
