चुनावमा मतदान गर्न प्रधानमन्त्री दाहाल चितवन प्रस्थान
काठमाडौं । प्रधानमन्त्री पुष्पकमल दाहाल प्रचण्ड स्थानीय तहको निर्वाचनमा मत खसाल्न चितवन प्रस्थान गरेका छन्।
चितवनको भरतपुर महानगरपालिकाबाट प्रचण्डकी छोरी रेणु दाहाल मेयर पदको उम्मेदवार रहेकी छिन्, जहाँ माओवादी केन्द्र र कांग्रेसबीच चुनावी तालमेल भएको छ।
केही दिन अगाडि प्रधानमन्त्री प्रचण्ड र कांग्रेस सभापति शेरबहादुर देउवा चितवन पुगेर रेणुका लागि भोट मागेका थिए। एउटै जहाजमा प्रचण्ड र देउवा सँगै बसेर चितवन गएको फोटो सामाजिक सञ्जालमा भाइरल बनेको थियो ।
पत्रकार गोविन्द आचार्यले फ्लाइटको सेल्फी खिचेका हुन्। तस्बिरमा प्रधानमन्त्री दाहाल, पुत्र प्रकाश पनि साथमा छन्।
यस अगाडि यही साता दाहाल र कांग्रेस सभापति शेरबहादुर देउवा जहाजमा सँगै बसेर चितवन जाँदै गरेको तस्बिर दाहाल पुत्र प्रकाशले सार्वजनिक गरेका थिए।
