फेसबुकमा भएको गालीगलौजको विषयलाई लिएर राजधानीमा युवतीहरुको ग्याङ फाइट र छुरा हानाहान
काठमाडौँ, ७ असार । राजधानीमै युवतीहरुको समूहबीच ग्याङ फाइट भएको छ । ललितपुर महानगरपालिका–१५ सातदोवाटो चोकमा कोपिला गिरी र सलिना गिरीको समूहबीच ग्याङ फाइट भएको हो ।
काभ्रे, बनेपा बस्ने गिरीलाई बानेश्वर बस्ने सलिना राई लगायतका ६ जना युवतीहरुले मंगलबार सातदोबाटो चोकमा छुरा हानेका हुन् । छुरा हान्नुअघि केहीबेर झगडा भएको थियो ।
छुरा प्रहारबाट घाइते १७ वर्षीया गिरीको सुमेरु अस्पताल धापाखेलमा उपचार भइरहेको छ । उनी बोल्न नसक्ने अबस्थामा रहेको सातदोबाटोका डिएसपी रामेश्वर यादवले जानकारी दिए ।
फेसबुकमा भएको गालीगलौजको विषयलाई लिएर राईको समूहले छुरा हानेको प्रहरीको प्रारम्भिक अनुसन्धानमा खुलेको छ । घटनामा संलग्न ४ जनालाई प्रहरीले पक्राउ गरेको छ । बाँकीको खोजी भइरहेको प्रहरीले जनाएको छ । – दैनिक नेपालबाट
