मोरङ र झापाबाट लागुऔषध सहित २ जना पक्राउ
विराटनगर, साउन ०५ गते । मोरङ र झापाको विभिन्न स्थानबाट हिजो बेलुका प्रहरीले लागुऔषध सहित २ जनालाई पक्राउ गरेको छ ।
मोरङको सुनबर्सी नगरपालिका ६ बालुबारी स्थितमा लागुऔषध गाँजाको कारोबार भईरहेको भन्ने बिशेष सुचनाको आधारमा इलाका प्रहरी कार्यालय रंगेली र लागुऔषध नियन्त्रण व्युरो विराटनगरबाट खटिएको प्रहरी टोलीले स्थानिय ३० बर्षीय मधुदेवी मेहतालाई ३ किलोग्राम ७९० ग्राम गाँजा सहित नियन्त्रणमा लिएको हो ।
यसै गरी झापाको मेचिनगर नगरपालिका ७ ईटाभट्टाचौक स्थितबाट मेचिनगर नगरपालिका ७ का २९ वर्षिय अमर रिमाललाई २ ग्राम ब्राउनसुगर सहित इलाका प्रहरी कार्यालय काँकरभिट्टाबाट खटिएको प्रहरी टोलीले नियन्त्रणमा लिएको हो ।
लागुऔषध सहित पक्राउ परेका दुबै जनाको सम्बन्धित प्रहरी कार्यालयहरुबाट थप अनुसन्धान भईरहेको छ ।
